ಕೇವಲ ಕ್ರಿಕೆಟ್ ಅಷ್ಟೇ ಅಲ್ಲಾ, ಅದನ್ನೇ ಬಳಸಿಕೊಂಡು ಅತ್ಯುನ್ನತ ಸರ್ಕಾರಿ ಹುದ್ದೆ ಪಡೆದಿರುವ ಟಾಪ್ ಆಟಗಾರರು ಯಾರ್ಯಾರು ಗೊತ್ತೇ??

ಎಂ.ಎಸ್.ಧೋನಿ ಅವರು ತಮ್ಮ ಹೆಲಿಕಾಪ್ಟರ್ ಶಾಟ್ ಗಳಿಗೆ ಮತ್ತು ಯುವರಾಜ್ ಸಿಂಗ್ ಅವರು ಅದ್ಭುತವಾದ ಸಿಕ್ಸರ್ ಗಳಿಗೆ ಹೆಸರುವಾಸಿಯಾಗಿದ್ದಾರೆ. ಆದರೆ ನಮ್ಮ ಕ್ರಿಕೆಟರಿಗೆ ಕೈತುಂಬಾ ಸಂಬಳ ಸಿಗುವ ಸರ್ಕಾರಿ ಕೆಲಸ ಸಹ ಇದೆ ಎನ್ನುವ ವಿಷಯ ನಿಮಗೆ ಗೊತ್ತೇ? ಕೆಲವು ಕ್ರಿಕೆಟರ್ ಗಳು ಆರ್ಮಿ ಸೇರಿಕೊಂಡರೆ ಇನ್ನು ಕೆಲವು ಕ್ರಿಕೆಟರ್ ಗಳು ಪೊಲೀಸ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಸರ್ಕಾರದ ಸೇವೆ ಮಾಡಿರುವ ಭಾರತೀಯ ಕ್ರಿಕೆಟರ್ ಗಳು ಯಾರ್ಯಾರು ಎಂದು ಇಂದು ನಿಮಗೆ ತಿಳಿಸುತ್ತೇವೆ ನೋಡಿ..

ಮಹೇಂದ್ರ ಸಿಂಗ್ ಧೋನಿ :- ಎಂಎಸ್ ಧೋನಿ ಅವರು ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಾತ್ರವಲ್ಲದೆ, ಭಾರತೀಯ ಸೇನೆಯಲ್ಲಿ ಲೆಫ್ಟಿನೆಂಟ್ ಕರ್ನಲ್ ಕೂಡ ಆಗಿದ್ದಾರೆ.  ಭಾರತೀಯ ಕ್ರೀಡೆಗಳಿಗೆ ನೀಡಿದ ಅತ್ಯುತ್ತಮ ಕೊಡುಗೆಗಾಗಿ, 2011 ರಲ್ಲಿ ಧೋನಿ ಅವರು ಲೆಫ್ಟಿನೆಂಟ್ ಕರ್ನಲ್ ಆಗಿ ನೇಮಿಸಲಾಯಿತು..  ಜಮ್ಮು ಮತ್ತು ಕಾಶ್ಮೀರದ 106 ಟಿಎ ಬೆಟಾಲಿಯನ್‌ ನಲ್ಲಿ ಭಾರತೀಯ ಸೇನೆಗೆ ಸೇರಿದರು. ಗೌರವ ಪ್ರಶಸ್ತಿಯನ್ನು ನೀಡುವ ಮೊದಲು 15 ದಿನಗಳ ಕಾಲ ಬೆಟಾಲಿಯನ್‌  ನಲ್ಲಿ ತರಬೇತಿ ಪಡೆದಿದ್ದರು. ಧೋನಿ ಅವರನ್ನು ವಿಕ್ಟರ್ ಫೋರ್ಸ್‌ನ ಭಾಗವಾಗಿ ಕಾಶ್ಮೀರದಲ್ಲಿ ನಿಯೋಜಿಸಲಾಗಿತ್ತು. ಇದಲ್ಲದೇ ಯುವಕರನ್ನು ಸೇನೆಗೆ ಸೇರಲು ಪ್ರೇರೇಪಿಸಲು ಧೋನಿ ಭಾರತೀಯ ಸೇನೆಯ ಬ್ರಾಂಡ್ ಅಂಬಾಸಿಡರ್ ಆಗಿ ಆಯ್ಕೆಯಾಗಿದ್ದರು  ಎಂಎಸ್ ಧೋನಿ. ಧೋನಿ ಅವರು ಸೇನೆಯಲ್ಲಿ ತರಬೇತಿ ಪಡೆಯುತ್ತಿರುವ ಹಲವಾರು ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ.  ಯಾವುದೇ ಸಂದೇಹವಿಲ್ಲದೇ ‘ಕ್ಯಾಪ್ಟನ್ ಕೂಲ್’ ಆರ್ಮಿ ಯೂನಿಫಾರ್ಮ್‌ನಲ್ಲಿ ನಿಜವಾಗಿಯೂ ಡ್ಯಾಶಿಂಗ್ ಆಗಿ ಕಾಣಿಸುತ್ತಿದ್ದರು.

ಸಚಿನ್ ತೆಂಡೂಲ್ಕರ್ :- ವಿಶ್ವದ ಅತ್ಯಂತ ಪ್ರಮುಖ ಕ್ರಿಕೆಟ್ ಆಟಗಾರರಲ್ಲಿ ಒಬ್ಬರಾದ ಸಚಿನ್ ತೆಂಡೂಲ್ಕರ್ ಅವರಿಗೆ 2010 ರಲ್ಲಿ ಭಾರತೀಯ ವಾಯುಪಡೆಯಲ್ಲಿ ಗ್ರೂಪ್ ಕ್ಯಾಪ್ಟನ್ ಸ್ಥಾನ ನೀಡಿ ಗೌರವಿಸಲಾಯಿತು. ಸಚಿನ್ ಅವರು IAF ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಪಿವಿ ನಾಯಕ್ ಅವರೊಂದಿಗೆ ಭಾರತೀಯ ವಾಯುಪಡೆಯ ಬ್ರಾಂಡ್ ಅಂಬಾಸಿಡರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.  ಭಾರತೀಯ ವಾಯುಸೇನೆಗೆ ಸೇರುವ ಮೊದಲು ತೆಂಡೂಲ್ಕರ್ ಅವರು IAF ನಲ್ಲಿ ಕೆಲವು ಮೂಲಭೂತ ತರಬೇತಿಯನ್ನು ಪಡೆದರು. ಸಚಿನ್ ಅವರನ್ನು 2012 ರಲ್ಲಿ ರಾಜ್ಯಸಭೆಗೆ ನಾಮನಿರ್ದೇಶನ ಮಾಡಲಾಯಿತು. ಆದರೆ ಅವರು ಸಂಸತ್ತಿನ ಅಧಿವೇಶನಗಳಿಗೆ ಹಾಜರಾಗದಿದ್ದಕ್ಕಾಗಿ ರಾಜ್ಯಸಭಾ ಸದಸ್ಯರಾಗಿ ಅವರ ಸ್ಥಾನವು ಹೆಚ್ಚು ಚರ್ಚೆಯಾಗಿತ್ತು.  ಅವರು ರಾಜ್ಯಸಭೆಗೆ ನಾಮನಿರ್ದೇಶನಗೊಂಡ ಮೊದಲ ಸಕ್ರಿಯ ಕ್ರೀಡಾಪಟು ಮತ್ತು ಕ್ರಿಕೆಟಿಗರಾಗಿದ್ದರು. 

ಕಪಿಲ್ ದೇವ್ :- ಕಪಿಲ್ ದೇವ್ ಅವರು ಭಾರತದಲ್ಲಿ ಅತ್ಯಂತ ಬೇಡಿಕೆಯ ಮತ್ತು ಗೌರವ ಹೊಂದಿರುವ ಅದ್ಭುತವಾದ ಕ್ರಿಕೆಟಿಗ.  ಭಾರತಕ್ಕೆ ಚೊಚ್ಚಲ ವಿಶ್ವಕಪ್ ತಂದುಕೊಟ್ಟ ತಂಡವನ್ನು ಮುನ್ನಡೆಸಿದ ಭಾರತೀಯ ನಾಯಕ ಕಪಿಲ್ ದೇವ್.  2008 ರಲ್ಲಿ ಕಪಿಲ್ ದೇವ್ ಅವರಿಗೆ ಭಾರತೀಯ ಸೇನೆಯಲ್ಲಿ ಲೆಫ್ಟಿನೆಂಟ್ ಕರ್ನಲ್ ಗೌರವ ಸ್ಥಾನವನ್ನು ನೀಡಲಾಯಿತು.

ಉಮೇಶ್ ಯಾದವ್ :- ಭಾರತೀಯ ಕ್ರಿಕೆಟ್ ತಂಡದ ವೇಗಿ ಬೌಲರ್ ಉಮೇಶ್ ಯಾದವ್ ಅವರಿಗೆ ಭಾರತೀಯ ರಿಸರ್ವ್ ಬ್ಯಾಂಕ್‌, ನಾಗಪುರ ಬ್ರಾಂಚ್ ನ ಕಚೇರಿಯಲ್ಲಿ ಸಹಾಯಕ ವ್ಯವಸ್ಥಾಪಕರ ಗೌರವ ಪ್ರಶಸ್ತಿಯನ್ನು ನೀಡಲಾಯಿತು. ಉಮೇಶ್ ಯಾದವ್ ಅವರು 2017 ರಲ್ಲಿ ಅಸ್ಕರ್ ಸಂಸ್ಥೆಗೆ ಸೇರಿದರು. ಉಮೇಶ್ ಅವರನ್ನು ಕ್ರೀಡಾ ಕೋಟಾದ ಅಡಿಯಲ್ಲಿ ಸರ್ಕಾರಿ ಅಧಿಕಾರಿಯಾಗಿ ನೇಮಿಸಲಾಯಿತು.

ಜೋಗಿಂದರ್ ಸಿಂಗ್ ಶರ್ಮಾ :- 2007 ರ 20-20 ವರ್ಲ್ಡ್ ಕಪ್ ತಂಡದ ಭಾಗವಾಗಿದ್ದ ಜೋಗಿಂದರ್ ಸಿಂಗ್ ಶರ್ಮಾ ಅವರು ಭಾರತದ ವಿಜಯಕ್ಕೆ ನೀಡಿದ ಕೊಡುಗೆಗಾಗಿ, ಹರಿಯಾಣ ಸರ್ಕಾರವು ಉಪ ಪೊಲೀಸ್ ವರಿಷ್ಠಾಧಿಕಾರಿ ಹುದ್ದೆಯನ್ನು ನೀಡಿತು.  2020 ಇಸವಿಯ ಪ್ರಕಾರ ಜೋಗಿಂದರ್ ಸಿಂಗ್ ಅವರು ಹರಿಯಾಣದ ಕುರುಕ್ಷೇತ್ರ ಜಿಲ್ಲೆಯ ಪೆಹೋವಾದಲ್ಲಿ ನೆಲೆಸಿದ್ದಾರೆ ಎಂದು ತಿಳಿದುಬಂದಿದೆ.

ಯುಜವೇಂದ್ರ ಚಾಹಲ್ :- ಕಳೆದ ಕೆಲವು ವರ್ಷಗಳಲ್ಲಿ, ಚಾಹಲ್ ಅವರು ಭಾರತೀಯ ಕ್ರಿಕೆಟ್ ತಂಡದ ಪ್ರಮುಖ ಬೌಲರ್ ಆಗಿದ್ದಾರೆ. ಮತ್ತು ಕುಲದೀಪ್ ಯಾದವ್ ಜೊತೆಗಿನ ಅವರ ಪಾಲುದಾರಿಕೆಯು ಮಧ್ಯಮ ಓವರ್‌ಗಳಲ್ಲಿ ಭಾರತಕ್ಕೆ ಆಟದ ಬದಲಾವಣೆಯಾಗಿದೆ. ಚಾಹಲ್ ಅವರು ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಜನಪ್ರಿಯತೆ ಗಳಿಸುವುದರೊಂದಿಗೆ, ಆದಾಯ ತೆರಿಗೆ ಇಲಾಖೆಯು ಆದಾಯ ತೆರಿಗೆ ಅಧಿಕಾರಿಯ ಕೆಲಸವನ್ನು ನೀಡುವ ಮೂಲಕ ಅವರಿಗೆ ಗೌರವ ನೀಡಿದೆ ಸರ್ಕಾರ.