ಇದೇನಪ್ಪ ಇದು ಹೊಸ ವರಸೆ, ದಿನೇಶ್ ಕಾರ್ತಿಕ್ ಪತ್ನಿ ಜೊತೆ ಹಾರ್ಧಿಕ್ ಪಾಂಡ್ಯ ಚಾಟಿಂಗ್: ಲೀಕ್ ಆದ ಸ್ಕ್ರಿನ್ ಶಾಟ್ ನಲ್ಲಿ ಷಾಕಿಂಗ್ ವಿಚಾರ.

ಟೀಂ ಇಂಡಿಯಾ ಕ್ರಿಕೆಟಿಗ ದಿನೇಶ್ ಕಾರ್ತಿಕ್ ಬಗ್ಗೆ ಗೊತ್ತಿಲ್ಲದವರೇ ಇಲ್ಲ. ಅದರಲ್ಲೂ ಕ್ರಿಕೆಟ್ ಅಭಿಮಾನಿಗಳು ದಿನೇಶ್ ಕಾರ್ತಿಕ್ ಅವರನ್ನು ಪ್ರೀತಿಸುತ್ತಾರೆ. ಧೋನಿ ನಿವೃತ್ತಿ ಘೋಷಿಸಿದ ಬಳಿಕ ಬೆಸ್ಟ್ ಫಿನಿಶರ್ ಎಂಬ ಮನ್ನಣೆ ಯಾರಿಗೂ ಸಿಗಲಿಲ್ಲ. ಆದರೆ ಇತ್ತೀಚಿನ ದಿನಗಳಲ್ಲಿ ದಿನೇಶ್ ಕಾರ್ತಿಕ್ ಉತ್ತಮ ಫಾರ್ಮ್ ನಲ್ಲಿದ್ದು ಧೋನಿ ಹೊಂದಿರುವ ಬೆಸ್ಟ್ ಫಿನಿಶರ್ ಪಟ್ಟಕ್ಕಾಗಿ ಶ್ರಮಿಸುತ್ತಿದ್ದಾರೆ. ದಿನೇಶ್ ಕಾರ್ತಿಕ್ ಈಗಾಗಲೇ ಬೆಸ್ಟ್ ಫಿನಿಶರ್ ಹುದ್ದೆಗೆ ಅರ್ಹರಾಗಿದ್ದು, ಅವರನ್ನು ಟಿ20 ವಿಶ್ವಕಪ್‌ ನಲ್ಲಿ ತೆಗೆದುಕೊಳ್ಳುವಂತೆ ಹಲವು ಹಿರಿಯರು ಬಿಸಿಸಿಐಗೆ ಕೇಳುತ್ತಿದ್ದಾರೆ. ಭಾರತ ತಂಡದಲ್ಲಿ ಸ್ಥಾನ ಸಿಗದ ಹಿನ್ನೆಲೆಯಲ್ಲಿ ಕಾಮೆಂಟೇಟರ್ ಪಾತ್ರ ವಹಿಸಿದ್ದ ಕಾರ್ತಿಕ್ ಭಾರತ ತಂಡದಲ್ಲಿ ಸ್ಥಾನ ಪಡೆಯಲು ತುಂಬಾ ಶ್ರಮಪಟ್ಟಿದ್ದರು.

ಸದ್ಯ ಟೀಂ ಇಂಡಿಯಾ ಅತ್ಯುತ್ತಮ ಬೌಲಿಂಗ್ ಹಾಗೂ ಬ್ಯಾಟಿಂಗ್ ಮೂಲಕ ಬಲಿಷ್ಠವಾಗಿದೆ. ಇದರ ಹೊರತಾಗಿಯೂ ಇತ್ತೀಚಿನ ಸುದ್ದಿಯೊಂದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮತ್ತೊಬ್ಬ ಸ್ಟಾರ್ ಆಟಗಾರ ಹಾರ್ದಿಕ್ ಪಾಂಡ್ಯ ದಿನೇಶ್ ಕಾರ್ತಿಕ್ ಪತ್ನಿ ದೀಪಿಕಾ ಪಳ್ಳಿಕಲ್ ಜೊತೆ ಹರಟೆ ಹೊಡೆಯುತ್ತಿರುವ ಸ್ಕ್ರೀನ್ ಶಾಟ್ ವೈರಲ್ ಆಗುತ್ತಿದೆ. ಇದನ್ನು ನೋಡಿದವರೆಲ್ಲಾ ಕಾರ್ತಿಕ್ ಗೆ ಯಾಕೆ ಹೀಗಾಗುತ್ತಿದೆ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಆದರೆ, ದೀಪಿಕಾ ಪಳ್ಳಿಕಲ್ ಮತ್ತು ಪಾಂಡ್ಯ ವೇದಿಕೆ ಮೇಲೆ ಹರಟೆ ಹೊಡೆಯುತ್ತಿರುವುದು ನಿಜ ಆದರೆ ಹಾಗಾಗಿರಲಿಲ್ಲ. 2017ರಲ್ಲಿ ಟೀಂ ಇಂಡಿಯಾ ಜಿಂಬಾಬ್ವೆ ಪ್ರವಾಸ ಕೈಗೊಂಡಾಗ ದಿನೇಶ್ ಕಾರ್ತಿಕ್ ಹಾಗೂ ಪತ್ನಿ ದೀಪಿಕಾ ಕೂಡ ಅಲ್ಲಿಗೆ ಹೋಗಿದ್ದರು. ಈ ಫೋಟೋಗಳನ್ನು ದೀಪಿಕಾ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.

ಈ ಫೋಟೋಗಳನ್ನು ನೋಡಿದ ಹಾರ್ದಿಕ್, ದೀಪಿಕಾ ಅವರ ಪೋಸ್ಟ್‌ಗೆ ಈ ಮೂರ್ಖ ಎಲ್ಲಿ ಎಂದು ಕಾಮೆಂಟ್ ಮಾಡಿದ್ದಾರೆ. ಆಗ ದೀಪಿಕಾ ಅವರು “ನನ್ನ ವಿಲ್ಲಾದಲ್ಲಿ ನನ್ನ ಖಾಸಗಿ ಮೂರ್ಖನಿದ್ದಾನೆ, ಇಲ್ಲಿಗೆ ಬಂದರೆ, ನಿನಗೂ ಲೆಮನ್ ವಾಟರ್ ಕೊಡುತ್ತೇನೆ..” ಎಂದು ರಿಪ್ಲೈ ಮಾಡಿದ್ದಾರೆ. ಅದಕ್ಕೆ ಪಾಂಡ್ಯ ನಗುತ್ತಾ, “ಆ ಮೂರ್ಖ ಎಲ್ಲಿದ್ದಾನೆ ಎಂದು ಹೇಳಬೇಡ. ನಿನ್ನ ವಿಲ್ಲಾಗೆ ಲೆಮನ್ ವಾಟರ್ ಮತ್ತು ಚಾಟ್ ಮಸಾಲಗಾಗಿ ಬರುತ್ತಾನೆ” ಎಂದು ರಿಪ್ಲೈ ಮಾಡಿದ್ದಾರೆ. ಈ ಚಾಟ್ ಈಗ ವೈರಲ್ ಆಗಿದೆ. ಈ ನಡುವೆ ಕಾರ್ತಿಕ್ ಮೊದಲ ಪತ್ನಿ ನಿಕಿತಾ ವಂಜಾರಾ ಟೀಂ ಇಂಡಿಯಾ ಆಟಗಾರ ಮುರಳಿ ವಿಜಯ್ ಜೊತೆ ಎರಡನೇ ಮದುವೆಯಾದರು.