ಬಾಲಿವುಡ್ ಹಿರಿಯ ನಟ, ಶಕ್ತಿಮಾನ್ ಧಾರವಾಹಿ ಖ್ಯಾತಿಯ ನಟ ಮುಖೇಶ್ ಖನ್ನಾ ಅವರು ಮಹಿಳೆಯರ ಬಗ್ಗೆ ಮಾಡಿರುವ ಕಮೆಂಟ್‌ ಗಳು ವಿವಾದ ಸೃಷ್ಟಿಸಿದೆ. ಲೈಂಗಿಕತೆಯನ್ನು ಬಯಸುವ ಮಹಿಳೆಯರನ್ನು ವ್ಯಭಿಚಾರಿಗಳು ಎಂದು ಕರೆದಿದ್ದಾರೆ. ಮುಖೇಶ್ ಖನ್ನಾ ಅವರು ಯೂಟ್ಯೂಬ್ ಚಾನೆಲ್‌ನಲ್ಲಿ ವಿವಿಧ ವಿಷಯಗಳ ಕುರಿತು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುವ ವೀಡಿಯೊಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ. ‘ನಿಮಗೂ ಇಂಥ ಹುಡುಗಿ ಇಷ್ಟವಾಯಿತೇ?’ ಎನ್ನುವ ಶೀರ್ಷಿಕೆ ಇರುವ ವಿಡಿಯೋದಲ್ಲಿ ಮುಖೇಶ್ ಅವರು, ‘ಯಾವುದೇ ಹುಡುಗಿ ತನಗೆ ಹುಡುಗನೊಂದಿಗೆ ಲೈಂಗಿಕ ಸಂಬಂಧ ಹೊಂದಲು ಇಷ್ಟ ಎಂದು ಹೇಳಿದರೆ, ಅವಳು ಹುಡುಗಿ ಅಲ್ಲ, ವ್ಯಭಿಚಾರಿ. ಏಕೆಂದರೆ ಸುಸಂಸ್ಕೃತ ಸಮಾಜದ ಒಬ್ಬ ಸಭ್ಯ ಹುಡುಗಿ ಇಂತಹ ಮಾತುಗಳನ್ನು ಹೇಳುವುದಿಲ್ಲ’ ಎಂದಿದ್ದಾರೆ. ಅಂತರ್ಜಾಲದಲ್ಲಿ ಮಹಿಳೆಯರ ಆಮಿಷಗಳಿಗೆ ಬಲಿಯಾಗದಂತೆ ಪುರುಷರು ಎಚ್ಚರಿಕೆ ವಹಿಸಬೇಕು ಎಂದು ಮನವಿ ಮಾಡಿದ್ದಾರೆ.
“ಯಾವುದೇ ಹುಡುಗಿ ತನಗೆ ಗಂಡು ಜೊತೆಗಿರಬೇಕು ಎಂದು ಹೇಳಿದರೆ , ಅವಳು ಹುಡುಗಿಯಲ್ಲ, ಅವಳು ಸೆಕ್ಸ್ ವರ್ಕರ್. ಏಕೆಂದರೆ ಸುಸಂಸ್ಕೃತ ಸಮಾಜದಲ್ಲಿ ಒಳ್ಳೆಯ ಹುಡುಗಿ ಇಂತಹ ಮಾತುಗಳನ್ನು ಹೇಳುವುದಿಲ್ಲ,” ಎಂದು ಹೇಳಿದ್ದಾರೆ ಮುಖೇಶ್ ಖನ್ನಾ. ಮಹಿಳೆಯರು ದಂಧೆ ನಡೆಸಲು ಮತ್ತು ಅಮಾಯಕ ಪುರುಷರನ್ನು ಬ್ಲಾಕ್ ಮೇಲ್ ಮಾಡಲು ಪ್ರಯತ್ನಿಸುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ. ನಗ್ನ ಚಿತ್ರಗಳನ್ನು ಕಳುಹಿಸಲು ಮತ್ತು ನಂತರ ಹಣಕ್ಕಾಗಿ ಬ್ಲ್ಯಾಕ್‌ ಮೇಲ್ ಮಾಡಲು ಕೇಳುವ ಸಾಮಾಜಿಕ ಮಾಧ್ಯಮ ಖಾತೆಗಳ ಬಗ್ಗೆ ಜಾಗರೂಕರಾಗಿರಿ. ಯುವತಿಯರ ಜೊತೆಗೆ ಉಚಿತ ಸೆಕ್ಸ್ ನೀಡುವುದಾಗಿ ಸಂದೇಶಗಳು ಬಂದಿದ್ದವು ಎಂದು ಮುಖೇಶ್ ಬಹಿರಂಗಪಡಿಸಿದ್ದಾರೆ.
ಮಹಿಳೆಯರು ತಮ್ಮ ಗಡಿಯೊಳಗೆ ಉಳಿಯಬೇಕು ಮತ್ತು ಸಂಪ್ರದಾಯಗಳನ್ನು ಗೌರವಿಸಬೇಕು ಎಂದು ಕೇಳಿಕೊಂಡಿದ್ದಾರೆ ಮುಖೇಶ್ ಖನ್ನಾ. ಆನ್‌ ಲೈನ್‌ನಲ್ಲಿ ಮತ್ತು ನಿಜ ಜೀವನದಲ್ಲಿ ಮಹಿಳೆಯರು ಆಕರ್ಷಿತರಾಗದಂತೆ ಪುರುಷರು ಎಚ್ಚರಿಕೆ ವಹಿಸಬೇಕೆಂದು ಅವರು ಒತ್ತಾಯಿಸಿದ್ದಾರೆ.90ರ ದಶಕದಲ್ಲಿ ಮಕ್ಕಳು ಮುಖೇಶ್ ಅವರನ್ನು ಶಕ್ತಿಮಾನ್ ಎಂದು ಪೂಜಿಸುತ್ತಿದ್ದರು. ಇದೀಗ ಅವರ ಹೇಳಿಕೆಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.