ನಮಸ್ಕಾರ ಸ್ನೇಹಿತರೇ ನಿಮಗೆಲ್ಲಾ ತಿಳಿದಿರುವಂತೆ 2007ರಲ್ಲಿ ಐಸಿಸಿ ಮೊದಲ ಭಾರಿಗೆ ಟಿ 20 ವಿಶ್ವಕಪ್ ನ್ನು ಆಯೋಜಿಸಿತ್ತು. ಆಗಿನ್ನು ಟಿ 20 ಕ್ರಿಕೇಟ್ ಜನಪ್ರಿಯವಾಗಿರಲಿಲ್ಲ. ಆದರೇ 2007ರ ವಿಶ್ವಕಪ್ ಭಾರತ ಗೆದ್ದ ನಂತರ ಭಾರತದಲ್ಲಿ ಈ ಮಾದರಿ ಜನಪ್ರಿಯವಾಗತೊಡಗಿತು. ಐಪಿಎಲ್ ಶುರುವಾದ ನಂತರ ಮನೆಮನೆಯಲ್ಲಿಯೂ ಈ ಮಾದರಿ ಕ್ರಿಕೇಟ್ ವಿಶ್ವಾದ್ಯಂತ ಹೆಸರುಗಳಿಸಿತು. 2007 ರ ವಿಶ್ವಕಪ್ ನಲ್ಲಿ ತಮ್ಮ ದೇಶದ ಪರ ಪದಾರ್ಪಣೆ ಮಾಡಿದ್ದ ಎಂಟು ಆಟಗಾರರು 2021ರಲ್ಲಿಯೂ ಸಹ ಆ ದೇಶದ ಪರ ಆಡುತ್ತಿದ್ದಾರೆ. ಬನ್ನಿ ಈ ವಿಶೇಷ ಸಾಧನೆಗೈದಿರುವ ಆ ಎಂಟು ಆಟಗಾರರು ಯಾರು ಎಂಬುದನ್ನ ತಿಳಿಯೋಣ.
ಮೊದಲನೆಯದಾಗಿ ರೋಹಿತ್ ಶರ್ಮಾ – ಹಿಟ್ ಮ್ಯಾನ್ ಖ್ಯಾತಿಯ ರೋಹಿತ್, 2007 ರ ಟಿ 20 ವಿಶ್ವಕಪ್ ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ದ ಪದಾರ್ಪಣೆ ಮಾಡಿ, ಮೊದಲ ಪಂದ್ಯದಲ್ಲೇ ಅರ್ಧ ಶತಕ ಗಳಿಸಿದ್ದರು. ಸದ್ಯ ರೋಹಿತ್ ಒಬ್ಬರೇ ಮೊದಲ ವಿಶ್ವಕಪ್ ಗೆದ್ದ ಭಾರತ ತಂಡದ ಆಟಗಾರರಾಗಿದ್ದಾರೆ. ಎರಡನೆಯದಾಗಿ ಮಹಮದುಲ್ಲಾ – ಈಗಿನ ಬಾಂಗ್ಲಾದೇಶದ ಟಿ 20 ತಂಡದ ನಾಯಕ ಸಹ 2007ರ ವಿಶ್ವಕಪ್ ನಲ್ಲಿ ಆಡಿದ್ದರು. ಇನ್ನು ಮೂರನೆಯದಾಗಿ ಶಕೀಬ್ ಅಲ್ ಹಸನ್ – ಬಾಂಗ್ಲಾದೇಶದ ಆಲ್ ರೌಂಡರ್ ಸಹ 2007 ರ ವಿಶ್ವಕಪ್ ನಲ್ಲಿ ಬಾಂಗ್ಲಾ ತಂಡದ ಅವಿಭಾಜ್ಯ ಅಂಗವಾಗಿದ್ದರು.
ಇನ್ನು ಮುಷ್ಪಿಕುರ್ ರಹೀಮ್ – ಬಾಂಗ್ಲಾದೇಶದ ವಿಕೇಟ್ ಕೀಪರ್ ರಹೀಮ್ ಸಹ 2007 ರ ವಿಶ್ವಕಪ್ ನಲ್ಲಿ ಮೊದಲ ಭಾರಿಗೆ ಬಾಂಗ್ಲಾದೇಶ ತಂಡದಲ್ಲಿ ಸ್ಥಾನ ಪಡೆದಿದ್ದರು. ಇನ್ನು ಐದನೆಯದಾಗಿ ಕ್ರಿಸ್ ಗೇಲ್ – ಟಿ 20 ಕ್ರಿಕೇಟ್ ನಲ್ಲಿ ಯುನಿವರ್ಸಲ್ ಬಾಸ್ ಎನಿಸಿಕೊಂಡಿರುವ ಗೇಲ್ 2007ರ ಟಿ 20 ವಿಶ್ವಕಪ್ ನಲ್ಲಿ ಆಡಿದ್ದರು. ಇವರು 2021 ರ ಟಿ 20 ವಿಶ್ವಕಪ್ ನಲ್ಲಿ ವಿಂಡೀಸ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
ಅದೇ ತಂಡದಲ್ಲಿ ಆರನೆಯದಾಗಿ ಡ್ವೇನ್ ಬ್ರಾವೋ – ಆಲ್ ರೌಂಡರ್ ಬ್ರಾವೋ 2007 ರ ವಿಶ್ವಕಪ್ ನಲ್ಲಿಯೂ ಆಡಿದ್ದರು. 2021 ರ ವಿಶ್ವಕಪ್ ನಲ್ಲಿಯೂ ಸಹ ಆಡಲಿದ್ದಾರೆ. ಏಳನೆಯದಾಗಿ ರವಿ ರಾಮಪೌಲ್ – ಅಚ್ಚರಿ ಎಂಬಂತೆ 2007ರಲ್ಲಿ ವಿಶ್ವಕಪ್ ನಲ್ಲಿ ಆಡಿದ್ದ ರವಿ ರಾಮಪೌಲ್ 2021 ರ ಟಿ 20 ವಿಶ್ವಕಪ್ ನಲ್ಲಿ ಸಹ ಸ್ಥಾನ ಪಡೆದಿದ್ದಾರೆ. ಕೊನೆಯದಾಗಿ ಮಹಮದ್ ಹಫೀಜ್ – 40 ವರ್ಷದ ಪಾಕಿಸ್ತಾನ ತಂಡದ ಆಲ್ ರೌಂಡರ್ ಹಫೀಜ್ 2021 ರ ವಿಶ್ವಕಪ್ ಆಡುತ್ತಿರುವ ಹಿರಿಯ ಆಟಗಾರರಾಗಿದ್ದಾರೆ. 2007 ರ ವಿಶ್ವಕಪ್ ನಲ್ಲಿ ಪಾಕಿಸ್ತಾನ ತಂಡದ ಪ್ರಮುಖ ಆಟಗಾರರಾಗಿದ್ದರು. ಈ ಬಗ್ಗೆ ನಿಮ್ಮ ಮುಕ್ತ ಅಭಿಪ್ರಾಯಗಳನ್ನು ನಮಗೆ ಕಮೆಂಟ್ ಮೂಲಕ ತಿಳಿಸಿ.